असार २२ - काठमाडौ 

नेपाल कम्युनिस्ट पार्टी (नेकपा) स्थायी कमिटी बैठक असार २४ गतेसम्म स्थगित भएको छ। कम्युनिस्ट पार्टी (नेकपा प्रचार विभाग उपप्रमुख एवम् प्रधानमन्त्रीका प्रेस सल्लाहकार सूर्य थापाले बैठक २४ गते बुधबार ११ बजेसम्म स्थगित भएको जानकारी दिए।

नेकपाभित्र चर्कँदै गएको आन्तरिक कलहले गम्भीर मोड लिएपछि शीर्ष नेताहरु आन्तरिक छलफलमा व्यस्त छन्।  दुई अध्यक्ष केपी शर्मा ओली र पुष्पकमल दाहाल ‘प्रचण्ड’ आन्तरिक परामर्शमै रहेकाले आज बिहान ११ बजे बोलाइएको स्थायी कमिटी बैठक स्थगित भएको बालुवाटार स्रोतले जनाएको छ।

प्रधानमन्त्री ओली बिहीबार संसद अधिवशेन अन्त्य गर्ने तहसम्म पुगेपछि शुक्रबार एक दिन गृहकार्य गरेर शनिबार बैठक तय गरिएको थियो । शनिबार पनि थप छलफल गर्ने भन्दै स्थगित गरिएको बैठक फेरि स्थगित भएको हो। 

आन्तरिक कलहले जटिल रुप लिएपछि पार्टी अध्यक्ष एवम् प्रधानमन्त्री ओली र अर्का अध्यक्ष ‘प्रचण्ड’बीच बालुवाटारमा आइतबार पनि छलफल भएको थियो। बालुवाटारको निर्णायक वार्तामा  प्रधानमन्त्री ओलीका तर्फबाट महासचिव विष्णु पौडेल, स्थायी समिति सदस्य एवम् प्रदेश ५ का मुख्यमन्त्री शंकर पोखरेल बसेका छन् । प्रचण्ड पक्षबाट वर्षमान पुन र जनार्दन शर्मा सहभागी थिए । छलफलमा दुवै अध्यक्ष आफ्नो अडानमा रहेपछि कुरा मिल्न नसकेपछि फेरि सोमबार छलफल गरेर अगाडि बढ्ने सहमति भएको थियो।

दुई अध्यक्षले पार्टी विवादको समाधानको खोजी गरी खाका बनाउन अनौपचारिक कार्यदल बनाएका छन्। दुवै अध्यक्षले आफूहरूसँगै छलफलमा रहेका नेताहरूलाई तपाईंहरूले पनि होमवर्क गर्नुस् भनेपछि बैठकमा सहभागी पौडेल, पोखरेल, पुन र शर्माको छलफललाई कार्यदलको अर्थमा नेताहरूले बाहिर बुझेका छन्। तर यो कुनै कार्यदल भने होइन।

केन्द्रीय समिति बैठक बोलाउन हस्ताक्षर

पार्टी विवाद केन्द्रीय समिति बैठकबाट टुंगो लगाउने र एकता प्रक्रिया टुट्न नदिन केन्द्रीय समितिको बैठक बोलाउनुपर्ने भन्दै नेकपाका युवा नेताहरूले हस्ताक्षर अभियान सुरु गरेका छन्। केन्द्रीय कार्यालय धुम्बाराहीबाटै केन्द्रीय सदस्यहरू ठाकुर गैरे, हिमाल हर्मा, वलावती शर्मालगायत हस्ताक्षर अभियानमा छन्। शनिबार नेकपाका ५३ जना केन्द्रीय सदस्यले पार्टीभित्रको विवाद र पार्टी एकताको पक्षमा जुम मिटिङ गरेर केन्द्रीय समिति बैठक बोलाउन हस्ताक्षर अभियान चलाउने निर्णय गरेका थिए।

प्रधानमन्त्री ओली बिहीबार संसद अधिवशेन अन्त्य गर्ने तहसम्म पुगेपछि शुक्रबार एक दिन गृहकार्य गरेर शनिबार बैठक तय गरिएको थियो । शनिबार पनि थप छलफल गर्ने भन्दै स्थगित गरिएको बैठक फेरि स्थगित भएको हो। 

आन्तरिक कलहले जटिल रुप लिएपछि पार्टी अध्यक्ष एवम् प्रधानमन्त्री ओली र अर्का अध्यक्ष ‘प्रचण्ड’बीच बालुवाटारमा आइतबार पनि छलफल भएको थियो। बालुवाटारको निर्णायक वार्तामा  प्रधानमन्त्री ओलीका तर्फबाट महासचिव विष्णु पौडेल, स्थायी समिति सदस्य एवम् प्रदेश ५ का मुख्यमन्त्री शंकर पोखरेल बसेका छन् । प्रचण्ड पक्षबाट वर्षमान पुन र जनार्दन शर्मा सहभागी थिए । छलफलमा दुवै अध्यक्ष आफ्नो अडानमा रहेपछि कुरा मिल्न नसकेपछि फेरि सोमबार छलफल गरेर अगाडि बढ्ने सहमति भएको थियो।

दुई अध्यक्षले पार्टी विवादको समाधानको खोजी गरी खाका बनाउन अनौपचारिक कार्यदल बनाएका छन्। दुवै अध्यक्षले आफूहरूसँगै छलफलमा रहेका नेताहरूलाई तपाईंहरूले पनि होमवर्क गर्नुस् भनेपछि बैठकमा सहभागी पौडेल, पोखरेल, पुन र शर्माको छलफललाई कार्यदलको अर्थमा नेताहरूले बाहिर बुझेका छन्। तर यो कुनै कार्यदल भने होइन।

केन्द्रीय समिति बैठक बोलाउन हस्ताक्षर

पार्टी विवाद केन्द्रीय समिति बैठकबाट टुंगो लगाउने र एकता प्रक्रिया टुट्न नदिन केन्द्रीय समितिको बैठक बोलाउनुपर्ने भन्दै नेकपाका युवा नेताहरूले हस्ताक्षर अभियान सुरु गरेका छन्। केन्द्रीय कार्यालय धुम्बाराहीबाटै केन्द्रीय सदस्यहरू ठाकुर गैरे, हिमाल हर्मा, वलावती शर्मालगायत हस्ताक्षर अभियानमा छन्। शनिबार नेकपाका ५३ जना केन्द्रीय सदस्यले पार्टीभित्रको विवाद र पार्टी एकताको पक्षमा जुम मिटिङ गरेर केन्द्रीय समिति बैठक बोलाउन हस्ताक्षर अभियान चलाउने निर्णय गरेका थिए।

Comments

Leave a comment